د نړیوال مقاومتي لوري د کشتیو تر ټولو لوي کاروان ؛صمود؛ د غزې په لور

ایکنا-  د نړۍ تر ټولو لوی سمندري کاروان، چې د «نړیوال صمود کشتیو کاروان؛ په نوم یادیږي او د بشري مرستو وړونکو لسګونو کشتیو او د ۴۴ هیوادونو له سلګونو فعالانو څخه جوړ دی، د غزې د کلابندئ د ماتولو په موخه د اسپانیا او تیونس له بندرونو څخه د غزې په لور روان شوی دی.

یکنانیوز  د الجزیرې له قوله راپور راکړی، د «نړیوال مقاومت  د کشتیو کاروان؛ د تنظیمولو کمیټې، چې د غزې د کلابندئ  د ماتولو لپاره تر ټولو لوي سمندري  کاروان  دی، اعلان وکړ چې ګډونوالو د ټولو احتمالي سناریوګانو لپاره روزنه ترلاسه کړې او   په یکشنبې ورځې ،یعني  د وږي یا سنبلې دمیاشتې په  ۹  ئې له  اسپانیا څخه د حرکت لپاره خپل چمتووالي ته دوام ورکړی د ی.

د دغه نوښت فعالانو، چې د غزې د  کلابندئ د ماتولو لپاره تر ټولو لوي سمندري حرکت دی، له حکومتونو وغوښتل چې پر صهیونیسټي رژیم دباؤ واچوي  څو د کشتیو دغه کاروان ته د خوندي تېریدو اجازت ورکړي. دوي ټینګار کوي چې غزه په تیرو  کابو دوو کلونو کې د نسل‌وژنې جګړې او سیستماتیکې لوږې سره مخ ده.

د تنظیموونکې کمیټې ویاند د اسپانیا د حکومت له ملاتړه مننه وکړه او وې ویل چې د ۴۴ هیوادونو فعالان په کشتیو په دغه  کاروان  کې ګډون لري. هغه زیاته کړه چې روزنې د ټولو احتمالي سناریوګانو په اړه دي، په ځانګړي توګه وروسته له دې  چې د اسرائیلو پوځ په تېر وخت کې په نړیوالو اوبو کې د غزې د کلابندۍ د  ماتولو په هڅې کې څو کشتۍ نیولي هم وې.

د بشري حقوقو ډله «نړیوال صمود ائتلاف»، چې د غزې لپاره د سمبولیک بشري مرستو د استولو مسؤلیت لري، وئيلي دي چې د صمود کشتۍ کاروان د غزې له کلابند شوو خلکو سره د پایښت، مقاومت او نړیوالې پیوستون پیغام وړي.

د الجزیرې په وینا، د  کشتیو  دغه کاروان  د بشري حقوقو فعالانو په مینځ کې «ګریټا تونبرګ»، سویډني فعاله چې په جون (غبرګولي) میاشت کې ئې د «ماډلین کشتۍ» په هڅې کې د غزې د کلابندئ د ماتولو لپاره برخه اخیستې وه، او پرتګالي سیاستواله، «ماریانا مورتاګوا»،  هم شتون  لري.

د کشتیو په  دغه کاروان کې   ۷۰ کشتۍ دي چې له دوو اصلي بندرونو څخه ئې حرکت کړی دی : د اګست ۳۱ مه (د وږي ۹ مه) په بارسلونا او د سټمبر ۴   (د وږي په  ۱۳ مه) په تیونس کې. په دغه کاروان کې  لکه «نړیوال غزه ته حرکت»، «د ازادۍ  کشتیو د کاروان مبارزین»، «مراکشي صمود کشتئ» او «د ختیځې اسیا نوښتي کشتئ » په نامو سره کاروانونه  ګډون لري.

د تنظیموونکو په وینا، د دغه نوښت موخه د غزې ناعادلانه  کلابندئ ماتول، د نړیوالو خلکو په مستقیم اقدام کې ګډون، د بشري وضعیت او د اسرائیلو جنایاتو انعکاس او د غزې خلکو ته سمبولیک بشري مرستې وړاندې کول دي.

د صهیونیسټي رژیم رسنیو راپور ورکړی چې  پرون  یکشنبې ورځې د لومړي وزیر، بنیامین نتانیاهو، امنیتي چارواکو او د اسرائیلو د کورني امنیت وزیر په شتون کې یوه غونډه   غزې ته د استول شوي  کشتیو له تر ټولو لوي  کاروان  سره د مقابلې لپاره جوړیږي.

د دغو  رسنیو په وینا، د دغې غونډې موخه د کشتیو دغه لوي کاروان   سره د مقابلې لپاره د عملیاتي پلان څېړنه ده چې له څلورو هیوادونو – بارسلونا، سیسیل، یونان او تیونس – څخه د غزې په لور روان شوی دی.

له دې مخکې، د «ازادۍ کشتئ» سره تړلې «ماډلین» بادي کښتۍ، چې د غزې د کلابندئ د ماتولو په موخې سره  د مصر د اسکندرئې شمالي اوبو ته واریده  وه، د نړیوالو فعالانو له خوا د صهیونیسټي رژیم د  تپلي کلابندئ پر وړاندې د یوه سمبولیک اقدام په توګه ترسره شوې وه.

همدارنګه، د «حنظله» کشتۍ د یکشنبې په ورځ، د سرطان ۲۲ مه، د ایټالیا په جنوب کې د سیراکوزا له بندر څخه د غزې د تړبند په لور حرکت وکړ؛ دا یو سمبولیک او بشري اقدام و چې د صهیونیستي رژیم د سمندري  کلابندئ د بندولو، د غزې ملاتړ او په دغې سیمې کې د بشري ناورین په اړه د نړیوال پام جلبولو په موخې سره  ترسره شو.

دا سفر د «د ازادۍ کشتئ د  ائتلاف» (Freedom Flotilla Coalition – FFC) په چوکاټ کې ترسره شو، داسې  ائتلاف چې د بېلابېلو ملیتونو د رضاکارو او مدني فعالانو څخه جوړ دی او له دې مخکې ئې په ۲۰۱۰ کال کې د غزې د کلابندئ د ماتولو لپاره د «ماوي مرمرې» مشهور کاروان تنظیم کړی و.

https://iqna.ir/fa/news/4302547